何振然 Elson Ho - 網紅的藏寶箱
Home 何振然 Elson Ho

Search

何振然 Elson Ho

自由身工作者，TVB、港台、東網體育節目主持、評述員，又係教練又係球員。鍾意講波，更鍾意打波。 #港籃主場 Instagram: elsonhochun 活動司儀、策劃、宣傳、媒體製作，聯絡: [email protected]
最後一擊，你會點揀？

今日場波，精彩絕倫，暫時係總決賽最好睇嘅一場，而兩隊嘅拼博都抵讚。 成場波嘅發展，我唔詳細講，但我...

2020-10-10 19:12:50 有 71 人說讚
各位波友，你今日打咗未？ 街場終於開放返，都算係第三波後暫時最好嘅消息，抗疫都要透吓氣呀大佬。 咁啱籃總琴日又宣傳3月會開返官方比賽，我就覺得遲到好過無到。 有啲人會話：「唓！之前諗住成年都唔搞，懶得就懶，點知畀人投訴兩句先肯聽、先接受。」 但我消極啲咁諗，而家會聽完投訴而最終肯改嘅，已經算係咁。點解咁講？因為對上一年，全港嘅基本訴求幾乎全部都實現唔到，仲要係擺明對著幹，你話要東我就西畀你睇嗰種態度，所以而家所謂「彈弓手」有波開返，起碼係遲到唔係無到，大家可以重開返練波，更重要係相關行業可以搵到食，教練們大家要小心撐住呀。 對於做事手法，當然大把嘢可以改善啦，例如透明度高啲、想法開放啲。 透明度高講緊係公開一啲佢哋所講做左嘅「努力」。例如之前同各隊班主開過會，唔係要你公開內容細節或者開名投票，而係定期畀人知道其實你哋係做緊嘢，有開會有爭取緊復賽或開放場地等等，起碼叫做盡咗基本盡任，到最後政府一句唔批，咁其實無人會出聲或者出唔到聲。 另一樣就係開設網頁、社交平台呢種溝通渠道。老實講，開放啲啦，已經講咗十九幾年了，網頁唔更新都算，簡單有個Facebook page，交待最新情況，避免公關災難，等所有球迷知道最新資訊之餘，又可以提升形象，至於要點做好公關，同埋咩人先勝任，我就唔講咁多喇😌 ============================ 聲明如下： 「香港籃球總會宣布恢復舉辦籃球活動 現時疫情稍為得以舒緩，本會宣佈為配合政府最新的防疫措施，現限聚令中可以豁免進行體育活動，本會即將立刻重啟所有籃球活動，首先在10月3日開始，在康文署轄下重開場地，恢復香港隊訓練，讓香港隊隊員有足夠的訓練備戰將會舉辦的國際賽事。 另外，本會亦將恢復因疫情而腰斬的第41屆工商盃籃球賽，讓各參加球隊可以立刻重新投入比賽。 此外，本會緊貼配合政府對於疫情措施下將立刻安排2021年度香港籃球銀牌賽及香港籃球聯賽(首要符合康文署及遊樂場協會對於場地的使用條款容許下進行)，本會首先給各球隊有足夠時間訓練及預備，一切條件許可之下，然後計劃將於明年三月復辦比賽，由於場地需求緊張，本會接着舉辦的甲一組賽事，將主要放在修頓場館舉行，並租用荃灣體育館作次選之用，藉此確保甲一組比賽能夠順利進行。若比賽場地因不可預見的因素而被迫關閉，將盡力安排比賽順延至場館重開後立刻進行。讓本地球員丶球迷可盡快參與本地籃球活動。 本會亦籍此機會向所有熱愛籃球運動的人士感謝對業界的關心，誠懇接受任何有益及有建設性的意見。 香港籃球總會執行委員會謹啓 2020年10月1日」 #香港籃球

各位波友，你今日打咗未？ 街場終於開放返，都算係第三波後暫時最好嘅消息，抗疫都要透吓氣呀大佬。 ...

2020-10-02 22:52:41 有 43 人說讚